ለውጥና መሻሻል በአጋጣሚ አይመጣም
ውድ የጽናት ኢንስቲትዩት ቤተሰቦች- እንኳን ለጌታችንና ለመድሃኒታችን ለኢየሱስ ክርስቶስ የልደት መታሰቢያ የገና በአል በሰላም አደረሳችሁ! በጽናት ኢንስቲትዩት ውስጥ በተለያየ መንገድ ሕበረተሰቡን እየረዳችሁ ያላችሁትን ሁሉ ከልብ አመሰግናለሁ፡፡ በግልም በጋራም ነገ የምንናፍቀው ለውጥና መሻሻል በአጋጣሚ አይመጣም:: ነገ የሚያመጣውን ትልቅ ድል እየተመኙ ዛሬ ተቀምጠው ከሚጠበቁት ህልመኞች ይልቅ በተሰጣቸው ቀን ነግደው ዛሬን የዋጁ ጠቢባኖች ናቸው::
ለሁላችን የሚቀርብልን ጥያቄ ምን አለህ? የሚለው ሳይሆን ባለህ ነገር ምን አደረክበት? የሚለው ይሆናል፡፡………..በየዘመናቱ እግዚአብሔር ሰውን ማንሳት አልቸገረውም:: እርሱ ካነሳቸው በኋላ ግን ዝቅ ብልው ሌሎችን የሚያገለግሉትን ምድራችን ዛሬም በምጥ ትፈልጋለች:: ሁሉ ለእግዚአብሄር ክብር ካልሆነ ብዙ የሰበሰበ አያተርፍም፣ ጥቂት የለቀመም አይጎድልበትም::
በጽናት ኢስቲትዩት ውስጥ ዓላማችን ከሌሎች መወዳደር ሳይሆን ከራሳችን ጋር ተወዳድሮና ራሳችንን አሸንፎ በተሰጠን ነገር የትውልዱን ሕይወት መለወጥ ነው፡፡ አላማችን ትውልዱ ትናንት ከነበረው መንፈሳዊ ብስለት፣ ስሜታዊ ብስለትና የአእምሮ ብስለት የተሻለ ቦታ እንዲደርስ መርዳት ነው፡፡
በአካባቢያችን ካሉት ጋር መዝነን፣ ዛሬ የምንሰራውን ስራ ብዙ እንደሆነ አይሰማንም፡፡ ምንም እንዳልሰራን መስሎም አያሳፍረንም፡፡ ባለፉት ዓመታት የተሻለ የመስራት እድል አግኝተናል፡፡ በተከፈቱልን በሮች በታማኝነት ተጠቅመናል፡፡ ይህ ግን ጅማሬ እንጂ በቂ አይደለም፡፡ በተሰጣችሁ መክሊት ነግዶና ለሕብተሰቡ አንድ ጠጠር ጥሎ ለማለፍ የምትፈልጉ ሁሉ አግኙንና በዚህ ዓመት ፍሬ ያለው ስራ እንስራ፡፡
በመጨራሻም…..
በቆላስያስ 4፣17 ላይ “በጌታ የተቀበልከውን አገልግሎት ከፍጻሜ ለማደረስ ተጠንቀቅ” እንደሚል, ቀጣዩ ዘመን በተቀበልነው መክሊት በታማኝነት የምትነግዱበት፣ ከራሳችን ጋር ተፎካክረን ትናንት ከሰራነው የተሻለ ነገር ለሕብረተሰቡ የምንሰጥበት እንዲሆን በብርቱ ምኞቴ ነው:
Tsinat Institute Zoom Meeting (for Saturday 6PM EST Youth Class)
https://us02web.zoom.us/j/5570015567?pwd=ckRWclhMUy83bkdzNjhjVWIydEtnQT09
Meeting ID: 557 001 5567
Passcode: 1020
